Goierri Serinoski
.
Azaroaren 16ko goizean, Urretxun, GOIERRI SERINOSK Infantil Neska Errendimenduko taldeak
partidu exigente bat jokatu zuen DECORAMIK ISBren aurka, eta honek 33-80ko emaitzaz
irabazi zuen. Emaitzaren gainetik, partidak une onak, talde-lana eta GOIERRIko jokalarien
aurrerapausoak utzi zituen ikusgai.
Hasiera zaila izan zen GOIERRIrentzat, aurkariaren erritmo bizia pairatu eta lehen laurden
gogor bat jasan baitzuen. Hala ere, taldeak ondo erantzun zuen bigarren (11-14) eta hirugarren
(11-17) laurdenetan. Bertan, GOIERRIk izaera, talde-lana eta joko oneko momentuak erakutsi
zituen. Azken laurdenean, nekea pilatzen hasi zen, eta aurkariaren intentsitateak amaierako
aldea handitu zuen.
Hala eta guztiz ere, GOIERRIk jarrera, ahalegina eta hobekuntza-gaitasuna erakutsi zituen,
taldea hazten ari dela eta datozen partidetarako hobeto lehiatzeko baliabideak badituela argi
utziz.
